Në Spanjë kanë zbuluar se kush do të jetë gardiani i ri i portës së Real Madrid, pasi besohet se me lamtumirën e Zidane do të largohet edhe Navas. E përditshmja “Marca” ditën e sotme është hapur me titullin që ka ndezur merkaton “Alisson do të presë Real Madrid-in”. Duket se braziliani ka vendosur të largohet nga Roma edhe pse kaluan një sezon fantastik.
Por, presidenti Florentino Perez nuk ishte i të njëjtit mendim, njëlloj sikurse dhe bashkëpunëtorët e tij, që tani kanë rinisur gjuetinë për numrin 1. I preferuari në rolin e gardianit të portës së Real Madrid në fakt është pikërisht Alisson, për të cilin madrilenët janë të gatshëm të ofrojnë maksimalisht 60 milionë, ndërkohë që Roma ka kërkuar më shumë, rreth 90 milionë.
Gjithsesi, Alisson, që tani dëshiron të mendojë vetëm për botërorin, sipas ‘Marca’ i ka dhënë fjalën e tij të nderit klubit spanjoll të Real Madrid: në rast transferimi, ai do të shkojë te Madrid. Ndërkohë edhe Chelsea është vënë në gjurmët e tij, pas refuzimit të Courtois për të rinovuar kontratën që skadon në 2019.
