Edhe pse De Biasi dha dorëheqjen nga drejtimi i Kombëtares Shqiptare, duket se UEFA e njeh ende atë si trajnerin zyrtar të skuadrës së Shqipërisë.
Kjo duket nga dokumentet e publikuara në faqen zyrtare të institucionit që drejton futbollin në kontinent.
Siç shihet në foton e mëposhtme, në dokumentet me të dhënat e ndeshjes në faqen e UEFA-s, jepet informacion i plotë mbi skuadrat pjesëmarrëse në ndeshjet e kualifikueseve, ku trajner figuron De Biasi dhe jo Panucci.
Një gafë kjo që me siguri do të korrigjohet para ndeshjes së radhës së Kombëtares kundër Maqedonisë.
