Prezenca e Rita Orës në Kosovë për të festuar 10-vjetorin e Pavarësisë, teksa performoi në një koncert, ka tërhequr vëmendjen e medieve ndërkombëtare. E tillë është britanikja Daily Mail, e cila ka postuar një artikull për rikthimin e Ritës në Kosovë.
Por, në një nga videot e postuara në këtë artikull, vihet re një gafë, teksa ngatërrohet Kosova me Ukrainën.
“Rita Ora feston 10 vjetorin e Pavarësisë së Ukrainës”, shkruhet në videon e postuar nga Daily Mail.
Duket se ngjyrat e njëjta të flamujve kombëtarë të Kosovës dhe Ukrainës kanë ngatërruar gazetarët e medies britanike, duke bërë një gafë që asnjë shqiptari s’do i pëlqente.
