Futbolli më shumë se pasion/Tifozin e Barcelonës e zgjon nga koma himni i Sevillas

Futbolli është më shumë se një lojë, këtë shprehje e vërteton tifozi i Barcelonës i cili ishte në prag vdekje dhe himni i Sevillas e solli në jetë. Një “mrekulli” ka ndodhur me Francesc Peraltan, i cili ka pësuar një dëmtim të frikshëm në kokë gjatë një ndeshje amatorësh. ai është dërguar me urgjencë në spital dhe për mjekët në moment të parë është konsideruar i vdekur. Doktorët kanë kryer tre operacione në tru, të cilat kanë mbaruar me sukses, por Francesco ka mbetur sërish në koma.

Në këto raste kërkohet të stimulohet një reagim nga ana e pacientit dhe mamaja, duke ditur se djali i saj adhuronte himnin e Sevilla-s “El Arrebato”, edhe pse tifoz i Barcelona-s, një ditë (kishin kaluar 17 pa asnjë përmirësim) ka vendosur t’ia pëshpëritë në vesh. Ato nota dhe ato fjalë duhet të jenë në zemrën e Francesc, i cili ka filluar të lëvizë me ngadalësi derisa është zgjuar.

Ky lajm është pritur me gëzim nga Sevilla, që i ka dërguar djaloshit, përveç urimeve për shërim të shpejtë, edhe një ftesë të veçantë. “Sapo ta marrësh veten plotësisht do të jesh i ftuari i ynë në stadium, kështu mund ta dëgjosh himnin drejtpërsëdrejti!”. Ky ka qenë mesazhi i klubit spanjoll në Twitter.