Premier League rrezikon që të përfshihet nga një skandal i madh, pasi qeset e duhanit të quajtura “snus” është kthyer në drogën më në modë të futbollit. Këtë e ka konfirmuar edhe mesfushori i Stoke City, Charlie Adam.
“Snus” është një substancë e paligjshme në Britaninë e Madhe që nga 1992-shi, po ashtu është duke u studiuar nga Agjencia Botërore e Anti-Dopingut, megjithëse akoma nuk është pezulluar si substancë që të rrit paraqitjen. Një investigim i Daily Mail pretendon se “snus” është një drogë e preferuar nga futbollistët.
“Është diçka në modë në futboll. Vjen nga vendet skandinave dhe shumë lojtarë e përdorin,” shprehet Adam për BBC Radio 5. “Nuk e kam provuar kurrë por shoh shokët e ekipit që e marrin përditë. Është norma e momentit në futboll. Nuk është vetëm në Premier League por edhe në Championship, League One, League Tëo, Skoci.”
Trajneri i Manchester City-t Pep Guardiola është shprehur të premten se doktori i klubit ka folur me skuadrën e tij për këtë çështje, megjithëse thuhet se asnjë nga lojtarët e tij nuk e përdor “snusin”. “Nuk i di benefitet apo kënaqësinë e asaj substance. Doktori ka folur me lojtarët,” është shprehur trajneri katalanas.
