Tashmë është zyrtare që David Alaba nuk do të jetë më mbrojtësi i Bajernit të Mynihut nga sezoni i ardhshëm.
Prej disa javësh, Reali ka qenë ekipi që praktikisht ka mbyllur afrimin e Alabës falas. Mbrojtësi i Bajernit, i cili pritet të përjetojë ndeshjet e tij të fundit me bavarezët, dha një intervistë të bukur në revistën zyrtare të klubit, duke rikujtuar udhëtimin e tij të gjatë në Allianz, 13 vite:
“Ka qenë fantastike. Do të më mungojnë bashkëlojtarët e mi, dhomat e zhveshjes, tifozët, qyteti ku kam jetuar për 13 vjet dhe që është bërë më shumë se një shtëpi e dytë për mua. Djali im ka lindur këtu, gjyshërit e mi jetojnë këtu. Mbërrita këtu kur isha 16 vjeç nga Viena, kjo është familja ime, vendi im i veçantë. Nëse qaj në ndeshjen e lamtumirës? Nuk e di nëse do të më shihni të qaj, por me siguri do të qaj përbrenda ”.
