Katër vëllezërit shqiptarë, Luftar, Arben, Ramiz dhe Fatos Hysa që janë zhvendosur prej vitesh në Meksikë dhe kanë ngritur atje një biznes të rregullt të kazinove.
Vëllezërit i akuzuan në mënyrë të rreme se kishin lidhje me organizata të ndryshme kriminale transnacionale. Këto akuza të paargumentuara janë pjesë e një lufte për të krijuar një monopol të vetëm në funksionimin e ligjshëm të kazinove në të gjithë vendin, ku familja Hysa, një nga viktimat e para me informacione të rreme, u vu në sy të stuhisë mediatike dhe tërhoqi vëmendjen e autoriteteve federale.
Por fatmirësisht, 4 vëllezërit kanë fituar betejën me mediat vendase pas një fushate të gjerë shpifëse që arriti deri në Shqipëri.
Pas hetimit nga autoritetet, kanë dalë në përfundimin se fushata e shpifjeve ndaj tyre është financuar në mediat meksikane nga rivalët e tyre në biznes.
Artikuj pa prova e pa verfikime pretenduan se Luftar, Arben, Ramiz dhe Fatos Hysa ishin të përfishtë në organizata transnacionale të drogës dhe pastronin paratë përmes kazinove.
Por gjatë hetimeve është provuar se lajmet që kanë raportuar disa nga mediat në meksikë kanë qenë të paguara nga një grup biznesmenësh vendas që kanë pasur qëllim të krijojnë monopol në operimin e kazinove dhe të nxjerrin jashtë loje vëllezërit shqiptarë.
Arben Hysa ka sqaruar për mediat meksikane se akuzat ndaj familjes së tyre janë të rreme dhe qesharake pasi prej vitesh ata i janë përkushtuar punës me ndershmëri.
