Përmirësimi i rrjetit të Ujësjellës-Kanalizimeve ka marrë një kujdes të veçantë nga Bashkia e Tiranës, dhe për të kanë një plan investimesh për modernizimin e rrjetit të ujësjellësit në kryeqytet.
“Nga Ali Demi deri në rrugën ‘Llazi Miho’ në Kombinat, kolegët tanë të Ujësjellës-Kanalizime Tiranë sigurohen që të ketë furnizim me ujë”, shkruan kryebashkiaku Erion Veliaj në Facebook, teksa tregon se punonjësit dhe makineritë e Ujësjellësit e Kanalizimeve Tiranë kanë nisur nga puna për shtrimin e tubacioneve të reja në zona problematike, të cilat kanë vuajtur për më shumë se 25 vite furnizimin me ujë.
Paralelisht me ndërtimin e rrjetit në qytet, Bashkia ka realizuar një sërë ndërhyrjesh të thella edhe në Bovillë, apo në tubacionet kryesore të ujit të pijshëm drejt Tiranës.
