Edhe kjo javë do të mbyllet me disa supersfida në kampionatet prestigjoze evropiane.
‘Serie A’ karakterizohet nga derbi i Torinos i cili pritet të jetë mjaft i zjarrtë. Me një Juventus që kërkon të ruaj vazhdimësinë e fitoreve e kryesimin e kampionatit dhe me një Torino që kërkon të jetë në hapin e kryesuesve. Derbi do të zhvillohet ditën e nesërme me fillim në 20:45 në “Juve Stadio”, ku vendasit ndjehen favoritë edhe pse derbit gjithmonë karakterizohen nga surprizat. Ndërsa Roma do të presë në shtëpi Udinese-n, e cila vjen nga një formë jo e mirë. Napoli do të udhërojë “Paolo Mazza” përballë modestëve të Spal. Ekipet e Milanos që kanë bërë investime të mëdha nuk janë duke u paraqitur në lartësinë e duhur për të qëndruar në vendin e parë. Milani do të jetë përballë Sampdorias, ndërsa Interi pret në “San Siro” Bolognia-n.
‘La Liga’– Ndeshjet kryesore i zhvillon ditën e shtunë, me supersfidën mes Atletico Madrid-Sevilla e cila luhet në mesditë në orën 13:00. Los colchoneros kërkojnë fitoren e dytë në stadiumin e ri “Wanda Metropolitano”, por përballja do të jetë shumë e vështirë përballë një Sevillie që mbanë vendin e dytë. Ekipi tjetër i Madritit, Reali do të udhëtojë në Alavesh për të kërkuar fitoren që do ti ringrinte nga ecuria negative. Ndërsa Barcelona ka një përballje me Girona-n, që nk pritet ti hapë probleme me një Messi në formë të jashtëzakonshme.
‘Premier League’ – Kjo javë pritet të ecë në ritmet e fitoreve për ekipet e Manchester-it që kryesojnë tabelën e klasifikimit me pikë të barabarta. ‘Qytetaret’ presin në shtëpi Crystal Palace, ndeshje nga e cila Guardiola kërkon të marrë maksimumin. Ndërsa djemtë e Mourinhios luajnë jashtë përballë Southampton, një ndeshje delikate pasi ky ekip gjithmonë u ka hapur probleme ekipeve të mëdha. Chelsea i Contes do të jetë përballë Stoke City për të vazhduar revanshin e fitoreve, ekipi i Stoke pjes e të cilit është edhe kosovari Shaqiri po kalon një formë të dobët këtë fillim sezoni. Ndeshja më e rëndësishme është ajo mes Leicester – Liverpool, që do të luhet të shtunën në mbrëmje në 18:30. Klopp niset drej Leicester me shumë mungesa, por shpreson që të dalë me fitore. Këto dy ekipe u përballë para pak ditësh ku ‘Red Devills’ u mposhtën 2-0.
‘Bundesliga’– Sonte në 20:30 do të zhvillohet sfida mes kampionëve në fuqi Bayer Munchen dhe Ëolsburg, ku fitorja mbetet detyrim për djemtë e Anchelot-it për tu rikthyer në vendin e parë. Ndërsa kryesuesit e Dortmund do të presin B.Monchenglabach, në misionin për të ruajtur vendin e parë dhe duke ruajtur ritmin e rezultateve pozitive para përballjes me Realin e Madritit në Champions League.
‘Liga1’– Sonte në mbrëmje Nica e Balotelit do të presë Angers, për të marrë një rezultat pozitiv e për të qëndruar sa më afër kreut. Ndërsa Monaco do të udhëtojë në Lille, misioni i ekipit të ‘Principatës’ është vetëm firoja që te mos ndahen nga kryesuesit e PSG. Ndërsa parisienët luajnë përballë Monpellier, mbetet për tu parë nëse do të vazhdojë të funksionojë treshja e sulmit pas atij incidenti mes Neymar dhe Cavanit./Tirana Today
