Ilir Latifi është një ndër shqiptarët më të suksesshëm në sportin e MMA. I rritur në Suedi, Latifi deri sot kishte dëshmuar që nuk e kishte harruar asnjëherë prejardhjen, madje e ka dëshmuar edhe në kafaz duke bërë shqiponjën me duar.
Megjithëse duhet përmendur fakti se Latifi përfaqëson ngjyrat e Suedisë. Por nuk kanë qenë të pakta rastet, ku në 14 fitoret e tij, të falënderoj veçanërisht tifozët shqiptarë edhe në gjuhën tonë. Por një postim në Facebook ka krijuar konfuzion të madh mes tij dhe fansave, të cilët e kanë shënjestruar keq.
“Tre sudezët që e kanë nisur nga hiçi dhe tashmë janë në arenat më të njohura në Las Vegas”, shkruan Latifi në “Facebook”, për të hapur një diskutim tjetër. Deri diku i drejtë, pasi nuk mund të jesh për 6 muaj shqiptar dhe për gjashtë muajt e tjerë suedez, përcaktimi i kombësisë duhet të zgjidhet nga vetë sportisti.
Fansat në Facebook nuk kanë reaguar aspak mirë për këto fjalë të thënë nga Latifi, njëri prej tyre i shkruan: “Suedez mun me kan vetem ky ne te djath. E ti edhe ky ne mes smuni me kan suedez. Po shum mir e paske shkru. Se fukaraja kur ban “pare” e vran baben e vet. E leje ma me harru prejardhjen.”
