Qytetarët francezë nuk kanë ndërmend të ndalen, teksa vijojnë protestat e tyre kundër vendimit për rritjen e çmimit të karburanteve.
Edhe sot, ata i kanë vënë sërish ‘flakën’ Parisit, teksa u mblodhën në fillim të Champs-Elysees, duke mos munguar as dhuna.
Policia përdori gaz lotsjellës me qëllim shpërndarjen e protestuesve, por këta të fundit bënë rezistencë. 16 persona përfunduan në pranga pas përleshjeve mes policisë dhe demonstruesve.
Kryeministri francez ka mbajtur një takim me një përfaqësi protestuesish, por pa rezultat teksa ‘jelekverdhët’ pretenduan se po kërcënoheshin dhe kanë kërkuar që bisedat të transmetoheshin drejtpërdrejt në televizion.
