Fraktura në hundë dhe i theu syzet, befason tifozja: Cristiano më fto për darkë (Foto)

Një goditje e plotë në fytyrë nga… Cristiano Ronaldo! Syzet e thyera, disa dëmtime të dukshme dhe frakturë në hundë: por kampionit portugez ia falin edhe këtë. Protagoniste e ngjarjes është Elena Di Martino, tifoze bardhezi mbrëmë në stadium për të ndjekur sfidën mes Juventus e Chievo: gjatë nxehjes një top i goditur nga CR7 e ka kapur plotësisht në fytyrë, padashje, tifozen.

“Të marrësh një goditje me top në fytyrë nga CR7 gjatë nxehjes nuk ndodh gjithnjë … Deri në fund. I falënderoj miqtë në stadium për mbështetjen”. Ky është mesazhi në facebook i tifozes juventine që e intervistuar nga Corriere della Sera, ka shtuar me shaka, por jo shumë: “Cristiano është idhulli im. E pas kësaj goditje pres të paktën një ftesë për darkë”.