Një ndeshje taktike, pa spektakël dhe në mjaft minuta dukeshe e mërzitshme, iu zhvillua një natë më parë në “Principality Stadium” të Kardifit, mes Anthony Joshua dhe Joseph Parker.
Boksieri britanik Anthony Joshua mundi me vendim unanim të gjyqtarëve neo-zelandezin Joseph Parker, duke mbetur kështu kampion bote në peshat e rënda në kategoritë IBF, ËBA, tituj që i kishte vetë edhe më parë, duke i rrëmbyer rivalit titullin e kategorisë ËBO.
Kjo sfidë mes dy boksierëve të pamposhtur deri para këtij dueli nuk ishte shumë spektakolare, një duel taktik, ku boksierët zbatuan planet që kishin përgatitur. Një duel me 12 raunde zhvilluar në Kardif, ku Joshua u tregua më agresiv, duke korrur suksesin e 21-të në karrierë në po kaq sfida të zhvilluara (20 fitore i ka me KO).
Raundi 1: Të dy boksierët u treguan të kujdesshëm, Joshua tentoi diçka më shumë, por nuk kishte ndonjë goditje për t’u përmendur.
Raundi 2: Kishte disa goditje nga të dy, por jo të forta. Si Joshua edhe Parker treguan kujdes të madh.
Raundi 3: Ky raund i takoi Parkerit, boksieri nga Zelanda e Re arriti t’i japë britanikut një goditje të fortë në abdomen.
Raundi 4: Joshua u kthye dhe ky raund i takoi atij pas një dominimi të lehtë nga fillimi deri në fund. Nuk munguan edhe goditjet nga britaniku.
Raundi 5: Ishte një raund më i qetë, të dy boksierët u treguan të kujdesshëm dhe lëshuan vetëm disa goditje të lehta.
Raundi 6: Deri më tani ishte raundi më i mirë, Joshua në minutën e pari i dha një goditje të fortë Parkerit, por Parker ia ktheu nga mesi i raundit.
Raundi 7: Lodhja filloi të shfaqet, nuk kishte goditje të forta nga ndonjëri.
Raundi 8: Joshua ishte më i mirë, arriti të plasojë disa goditje në Parker dhe ky raund i takoi britanikut.
Raundi 9: Ishte një raund i balancuar dhe me kujdes të madh nga të dy.
Raundi 10: Joshua filloi të bëjë diferencën dhe për një nuancë ky raund i takoi atij, pasi arriti të lëshojë disa goditje të mira drejt kundërshtarit. Nga kjo Parker pësoi një çarje në syrin majtë.
Raundi 11: Gjërat po nxehen, Joshua bëri disa goditje, por Parket lëshoi atë më të fortën.
Raundi 12: Kishte të dy goditje, por qëllimi i të dyve ishte që fituesi të vinte nga pikët dhe nuk dëshironin të rrezikonin. Por, vlen të theksohet se kjo është hera e parë për Joshuan në karrierë që fitoren e kërkon nga pikët. Deri më tani AJ kishte 20 fitore, të gjitha me nokaut, kurse Parker nga 24 fitore prej tyre 18 ishin me nokaut.
FITUESI PAS PIKËVE NGA TRE GJYQTARËT: ANTHONY JOSHUA me vendim unanim.
Në këtë mënyrë, Anthony Joshua është shpallur kampion i unifikuar i botës në kategorinë e peshave të rënda. Me këtë triumf, titujve të tij WBA, IBF dhe IBO, ia ka shtuar edhe titullin WBO, të cilin ia mori boksierit nga Zelanda e Re. Dhe tash, titulli i vetëm që i mungon është ai WBC, të cilin e posedon boksieri amerikan, Deontay Wilder.
