E ardhmja e Cristiano Ronaldos është kthyer në një telenovelë. Juventusi është ekipi që ka më shumë shanse që të nënshkruaj me yllin portugez, por futja në garë e Manchester United mund ti ndryshojë skenarët. Jorge Mendes, menaxheri i lojtarit e ka bërë lëvizjen e parë, pasi i ka komunikuar presidentit të Real Madridit, Florentino Perez, se klienti i tij dëshiron të largohet.
Pesë herë fituesi i “Topit të Artë” nuk dëshiron të jetë më pjesë e madrilenëve, pasi sipas tij Perez nuk është sjellë mirë me të dhe se nuk ka mbajtur premtimet. Juventus ka dërguar një ofertë prej 100 milionë euro dhe për Ronaldon një rrogë 30 milionë euro në sezon.
Ndërkohë mediat lokale greke raportojnë se Cristiano Ronaldo nën shoqërinë e të fejuarës Georgina Rodriguez dhe djalit të tij Cristiano Jr ndodhen në Greqi. Pushimet ai i ka filluar në pjesën jugore të Peloponezit së bashku me familjen në pritje të një marrëveshjes me kampionët e Italisë. Ronaldo ka mbërritur me avion privat në Greqi dhe më pas u zhvendos me një helikopter drejt vendeve turistike.
Ai ndodhet nën sigurinë maksimale. Gjithsesi, paparacët arritën ta fotografonin Ronaldon së bashku me Georgina Rodriguez dhe djalin e Ronaldos në një fushë tenisi.
