Makina fluturuese është tashmë realitet. Nga 2019 do të dalë në tregun amerikan dhe quhet Transition. Ka motor hibrid dhe krahë të përthyeshëm. Do të prodhohet nga kompania Terrafuga e themeluar në vitin 2006 nga disa kërkues të universitetit teknologjik më të mirë në botë, MIT, për të kaluar më pas në duart e kompanie kineze që ka në pronësi edhe shoqërinë automobilistike Volvo.
Automjeti ka dy vende dhe mund të përshkruaj deri në 600 km. Do të ngrihet në qiell në një lartësi maksimale prej 3 mijë m, me shpejtësi 160 km në orë. Është një automjet i mirëfilltë, por për ta drejtuar dhe për ta ngritur në fluturim sigurisht duhet edhe një patente pilotimi, shkruan Klan Plus.
Uljet dhe ngritjet mund të ndodhin vetëm në zona të kontrolluara si aeroportet. Çmimi nuk bëhet ende i ditur po kompania njofton se në tetor do të nisin edhe porositë e para për makinën fluturuese.
