Lajmi i lirimit të ish-kryeministrit të Kosovës ka gëzuar miliona shqiptarë. Sigurisht, pati edhe nga ata që ky lajm i bëri të shpërthejnë në lot.
Një ndër ta është edhe i ati i Ramushit, Hilmiu, i cili është gëzuar pa masë nga vendimi i Gjykatës së Apelit, në Colmar të Francës.
Si shumë të tjerë, edhe Hilmiu e priti plot ankth seancën gjyqësore të sotme, e cila rezultoi fituese për Ramush Haradinajn, por edhe për të gjithë shqiptarët.
Fotoja e mësipërme është shkrepur nga motra e Ramushit, vetëm pak minuta pas dhënies së vendimit për lirimin e kreut të AAk-së, i cili u ndalua më 4 janar, në Francë.
