Mediat serbe i kanë kushtuar një rëndësi të veçantë vizitës së presidentit të Turqisë, Rexhep Tajip Erdogan në Beograd. Madje kanë publikuar edhe detaje nga takimet.
Kështu, sikundër raportojnë, Erdogan i ka dhuruar Vuçiçit një biçikletë të personalizuar me emrin e presidentit të Turqisë dhe një kuti shahu. Ndërsa presidentit turk i është dhuruar një qilim.
Në takimin në fjalë ishin të pranishme edhe Zonjat e para të dy vendeve, Emine Erdogan dhe Tamara Vuçiç.
Vizita e presidentit turk në Beograd solli nënshkrimin e 12 marrëveshjeve ditën e djeshme, ndërsa 4 të tjera pritet të nënshkruhen sot.
