Të 189 pasagjerët që gjendeshin në bordin e avionit Lion Air, kanë vdekur. Autoritet thonë se nuk ka asnjë shpresë që mund të gjenden të mbijetuar.
Avioni Lion Air JT610, përfundoi në ujërat e detit indonezian vetëm disa minuta pasi u nis nga kryeqyteti i Xhakartës.
Boeing, që kishte 189 persona në bord, kishte humbur kontaktin me kontrollorët e trafikut ajror vetëm 13 minuta pas nisjes nga fluturimi.
Piloti kishte kërkuar që të ulej me emergjencë vetëm pak minuta nga ngritja. Por, ai më pas kishte humbur kontaktet.
Të dhënat e fluturimit të tmerrshme tregojnë se Boeing 737 MAX 8 më pas u përplas përpara se të binte në detin Java.
Punonjësit e kërkim shpëtimit ishin dërguar me shpejtësi në zonë. Por fatkeqësisht nuk kanë mundur të gjejnë asnjë të mbijetuar.
Zyrtarët indonezian më vonë deklaruan se nuk “presinin të gjejnë të mbijetuar”. Sipas tyre pjesë të trupave të ushtarëve janë gjetur në sipërfaqe të detit.
“Ne kemi gjetur rrënojat kryesore”, u tha gazetarëve Bambang Suryo, drejtor operativ i agjencisë së kërkimit dhe shpëtimit.
“Unë parashikoj se nuk ka të mbijetuar, bazuar në pjesët e trupave të gjetura deri tani”.
Punonjësit e shpëtimit, të cilët tani po përpiqen të gjejnë trupin kryesor të aeroplanit, kanë gjetur gjithashtu pjesë të tij.
“Aeroplani u rrëzua në ujë rreth 30 deri në 40 metra thellësi”, tha zëdhënësi i agjencisë së kërkim-shpëtimit Yusuf Latif për agjencinë e lajmeve AFP./TIRANA TODAY/
