Kjo fotografi është shkrepur brenda seancës gjyqësore që po mbahet në Gjykatën e Posaçme, për ish-kryebashkiakun e Kukësit. Safet Gjici dhe Alma Kaçi ndodhen në gjyqin për caktimin e masës së sigurisë, ku do të vlerësohet nëse do qëndrojnë në qeli apo do kthehen “në shtëpi”.
Siç shihet dhe nga këto pamje, Gjici qëndron në kafazin e qelqtë, në sallën e gjyqit, aty ku qëndrojnë personat e pandehur.
Ish-kryebashkiaku i Kukësit ka hyrë në gjykatë nga dera e pasme, për të shmangur me gjasë përballjen me mediat. Ndërkohë, personi tjetër i akuzuar bashkë me Safet Gjicin, shtetësja Alma Kaçi, është parë të hyjë nga dera kryesore, e shoqëruar nga një police dhe me kapele në kokë.
Ish-kryebashkiaku i Kukësit akuzohet për “Shpërdorim të detyrës”, pasi nga një video e plotë e skandalit seksual në zyrën e tij, doli se Alma Kaçi i kishte kërkuar favore për një tender për sterilizimin e qenëve dhe Gjici e kishte aprovuar.
