Një grup studentësh e kanë kthyer Athinën në një “fushë beteje”. Të rinjtë kanë qëlluar me gurë dhe me çdo lloj mjeti të mundshëm ndaj policisë.
Episodet kanë ndodhur gjatë një tubimi studentor të mbajtur në qendër të Athinës.
Në sheshin Sintagma, një grup njerëzish të paidentifikuar hodhën gurë, flakadanë dhe goditën forcat e policisë. Të rinjtë shkaktuan dëmtime në stacionet e autobusëve.
Episodet e dhunës vazhdojnë edhe në Amalias Avenue. Njerëzit e paidentifikuar vazhdojnë të shfaqin skena dhune. Policia është në ndjekje të personave për t’i vënë në pranga.
Ndryshimi i ligjit të arsimit të lartë ka nxjerrë në protesta qindra studentë të Universitetit të Athinës. Incidente pati në disa sheshe të kryeqytetit grek, por fatmirësisht pa persona të lënduar.
