Brazili dhe Meksika do të përplasin brinjët pasditen e sotme në 1/8 e Botërorit të Rusisë për një vend në çerekfinale. Presioni mbi ‘selecao’ është i madh pasi surprizat kanë qenë të shumta në ditët e fundit dhe ekipet e mëdha janë nisur për në shtëpi.
Meksiak nuk është një kundërshtar i lehtë dhe zbret sërish në fushë me të njëjtin reshtim, për të përdorur sa më mirë armën e fortë që kanë, kundërsulmin. Meksikanët arritën ta mposhtin edhe kampionin në fuqi të botës Gjermaninë duke lënë pa u kualifikuar nga grupi.
Nga ana tjetër Brazili ka në përbërje disa nga lojtarët më të mirë të momentit me në krye Neymar dhe besojnë se janë ata pretendentët kryesor për të triumfuar në këtë Botëror. Por Tite do të ketë një mungesë mjaft të rëndësishme në këtë sfidë, do të mungojë Marcelo pas atij dëmtimi misterioz në ndeshjen e fundit përballë Serbisë.
Formacionet zyrtare:
Brazili: Alisson, Fagner, Filipe Luis, Miranda, Thiago Silva, Casemiro, Coutinho, Paulinho, Willian, Jesus, Neymar JR.
Meksika: Ochoa, Ayala, Salcedo, Marquez, Herrera, Alvarez, Guadrado, Gallaro, Carlos Vela, Hernandez, Lozano.
