Uruguai dhe Franca do të masin forcat në çerekfinalet e këtij Botërori për të siguruar një vend në gjysmëfinale. Oscar Tabarez “heroi me patericë” vjen në këtë sfidë me një mungesë të madhe, pasi Cavani nuk ia doli të rikuperohet. Gjithsesi ai ka premtuar se do ti tregojmë Francës dhe gjithë botës kush jemi dhe çfarë jemi të aftë të bëjmë.
Nga ana tjetër është Didier Deschams i cili ka një mori talentesh në skuadër. Ata eliminuan Argjentinën, por mbrojtja e tyre futi shumë “ujë”, pasi pësuan tre gola. Ndërsa ndaj Uruguait do të jetë mjaft e vështirë, pasi është mjaft e vështirë tu shënosh atyre.
Deschamps ka vendosur të startojnë me formacionin e tij më të mirë të mundshëm, por me vetëm një ndryshim, Tolisso në vend të Matuidit, ndërsa te Uruguai në vend të Cavanit do të luaj Stuani. Fituesi i kësaj ndeshje në gjysmëfinale do të takohet me njërën nga skuadrat mes Brazilit dhe Belgjikës.
Uruguai: Muslera; Caceres, Gimenez, Godin, Laxalt; Nandez, Torreira, Bentancur, Vecino; Suarez, Stuani.
Franca: Lloris; Pavard, Varane, Umtiti, Hernandez; Pogba, Kante; Mbappe, Griezmann, Tolisso; Giroud.
