Kolumbia dhe Anglia do të përballen në Botërorin e Rusisë, ku do të diskutohet një biletë për në çerekfinale. Të dy skuadrat vinë me një formë mjaft të mirë, pasi kanë marrë nga dy fitore dhe një humbje në fazën e grupeve.
Kolumbia arriti të marrë vendin e parë në grup edhe pse dështoi që në ndeshjen e parë të grupit, ndërsa Anglia luajti më shumë me laps sesa me këmbë dhe mori vendin e dytë, duke e menduar si anën favorite për finale.
Trajneri i Kolumbisë, Jose Pekerman, ka zgjedhur që të luajë në sulm me Radamel Falcaon, ndërsa pas tij do të jenë emra si Juan Cuadrado dhe Quentero. Një mungesë e madhe do të jetë ajo e James Rodriguez, i cili në ndeshjen e fundit u zëvendësua i dëmtuar dhe duket se akoma nuk është gati.
Në anën tjetër Herry Kane do ta udhëheq sulmin e Anglisë i mbështetur nga emra si Sterling, Alli e Lingard. Porta e Anglisë do të mbrohet nga Pickford, ndërsa formacioni do të jetë 3-5-2. Skuadra që do të dalë me fitore nga kjo sfidë do të përballet me Suedinë e cila mposhti Zvicrën 1-0.
Kolumbia: Ospina, Arias, Barrios, Sanchez, Falcao, Cuadrado, Mina, Lerma, Mojica, Quintero, D. Sanchez
Anglia: Pickford; Walker, Stones, Maguire; Trippier, Henderson, Alli, Young; Lingard, Sterling; Kane.
