Flota e mjeteve “green” (elektrike dhe hibride) arriti 7358 në fund të muajit mars 2025, duke shënuar rritje me 15%, krahasuar me vitin 2024.
Drejtoria e Përgjithshme e Shërbimit të Transportit Rrugor (DPSHTRR) informoi se 980 mjete 100% elektrike janë regjistruar në 3-mujorin e parë të këtij viti, janar-mars 2025, ose 55% më shumë krahasuar me janar-mars 2024.
Falë lehtësirave fiskale mjetet “green” vijojnë të rrisin bindshëm dominancën e tyre në qarkullimin rrugor në Shqipëri.
Sipas DPSHTRR-së, 33% e mjeteve elektrike janë me 0 Km të regjistruara dhe 72,1% e autoveturave të regjistruara gjatë janar-mars 2025 janë Euro 5 e sipër.
