Futbollisti shqiptar Xherdan Shaqiri ka shpjeguar arsyen e mungesës së tij në stadiumin e Beogradit. Disa ditë më parë, Klopp vendosi që Shaqiri të mungonte në ndeshjen e Liverpool përballë Crvena Zvezdës në Beograd.
Tashmë Shaqiri ka thyer heshtjen teksa ka treguar se arsyeja e mungesës ishte që të mos rrezikonte, për shkak të atmosferës së nxehtë në stadium.
“E dija që atje do të ishte një atmosferë e nxehtë dhe ka qenë më mirë të qëndroja në shtëpi dhe të përqendrohesha vetëm te futbolli. Unë isha i gatshëm, por qëndrova këtu dhe u stërvita me disa lojtarë të tjerë për të mbajtur fizikun tim në formë”, ka shpjeguar shkurt futbollisti që po tregon se është në super formë në ndeshjet e ekipit të Liverpool.
