Liverpooli ka fituar derbin e sotëm ndaj Manchester Unitedit falë paraqitjes së jashtëzakonshme të Xherdan Shaqirit. Klopp e aktivizoi si zëvendësues në minutën e 70’, pasi beson tek Shaqiri se ai mund të ndryshojë lojën. Futbollisti me origjinë shqiptare nuk e tradhtoi besimin e trajnerit dhe sapo u aktivizua shënoi dy gola, që i dhanë fitoren Liverpoolit.
Mane kaloi Liverpoolin në avantazh në minutën e 24’, ndërsa United reagoi vetëm 9’ minuta më pas me Lingard. Në pjesën e dytë Liverpooli u kundërpërgjigj për mrekulli duke shënuar dy herë. Dhe ishte Shaqiri që shënoi dy golat.
“Është një ditë e mrekullueshme për mua. Është starti më i mirë në historinë e klubit dhe do të provojmë që të vazhdojmë kështu. Nëse e bëjmë këtë, mendoj se do të kemi ditë akoma më të bukura para”, deklaroi Shaqiri.
Liverpooli merr kryesimin e Premier League me 45 pikë, ndërsa Manchester United mban vendin e 6 me 26 pikë.
