Eurodeputeti Knut Fleckenstein ka dalë në një konferencë për shtyp pas takimeve me presidentin, Bashën dhe Ruçin.
Fleckenstein tha se çelja e negociatave të Shqipërisë me BE-në mund të ndodhë në fillim të vitit tjetër, konkretisht në mars, ndërsa theksoi se Shqipëria ka ende shumë punë për të bërë.
I pyetur nëse Bashkimi Evropian ka ndonjë kusht shtesë për çeljen e negociatave, Fleckenstein tha se nuk ka ndonjë kusht shtesë veç 5 prioriteteve kyçe.
FJALA E FLECKENSTEIN:
I jam shumë falendërues dhe mirënjohës presidentit, por edhe udhëheqësve të grupeve parlamentare, me të cilat jam takuar. Sot do takohem edhe me disa ministra që të marr informacionet e duhura të rrugëtimit të Shqipërisë drejt BE-së.
Nuk duhet të harrojmë që përgjegjësia për marrjen e vendimit për çeljen e negociatave është e Këshillit dhe jo e Parlamentit Evropian, gjithsesi ne do vazhdojmë të punojmë e të inkurajojmë që negociatat të çelen në mars dhe më pas të fillojë gjithçka në qershor. Nuk është PE ai që e vendos këtë gjë, por është këshilli, megjithatë Shqipëria duhet të vazhdojë të punojë fort.
A ka kushte të tjera BE? Nuk shoh ndonjë kusht shtesë, ne gjithnjë kemi folur në lidhur me zgjedhjet dhe 5 prioritetet kyçe që duhet të zbatohen./ Tirana Today
