Flamurtari bën goditjen e madhe, i rrëmben Skënderbeut…

Kërkimi për trajnerin e ri tek Flamurtari tashmë ka marrë fund. Do të jetë Ilir Daja, trajneri që do të udhëheqë vlonjatët sezonin e ardhshëm. Daja ishte në fundin e kontratës me Skënderbeun e cila skadonte këtë verë dhe duket se me përjashtimin nga Kupat e Europës ka zgjedhur të largohet.Një akord i tillë kishte kohë që po qarkullonte në mediat sportive, por zyrtarizimi ka ardhur vetëm në ditën e sotme. Faqja e vlonjatëve në “Facebook” ka njoftuar nënshkrimin e kontratës së re për Ilir Dajën, i cili ka qenë në ditën e sotme i pranishëm në ambientet e klubit të Flamurtarit.

Daja njihet si një trajner që sjell sukses në ekipet ku shkon, teksa është shpallur kampion me Elbasanin, Dinamon dhe Skënderbeun.