Flamuri shqiptar deri më sot nuk është “censuruar” në stadiumet më të mëdha Evropiane të shteteve si Spanja, Italia, Gjermania, etj., por e kundërta ka ndodhë në Mal të Zi.
Komisioni për gara pranë Federatës malazeze të futbollit do të nis procedurat disiplinore kundër ekipit të futbollit Otrant Olimpik nga Ulqini për shkak të organizimit të dobët të ndeshjes së javës së fundit kundër Ibrit nga Rozhaja.
Organizimi i dobët sipas këtij komisioni ka të bëjë në pjesë e shpalosjes së flamurit shqiptar në shkallët e stadiumit gjatë ndeshjes në fjalë.
E gjitha kjo histori ka nisur nga delegati i takimit të ndeshjes të cilit i ka ra në sy flamuri shqiptar tek tifozeria e Ulqinit dhe këtë detaj ai e ka paraqitur këtë rast përmes formularit përkatës të ndeshjes.
Përveç kësaj, ekipi nga Ulqini është dënuar me 300, 00 euro gjobë për shkak të kartonave të fituar nga lojtarët gjatë ndeshjes kundër Ibrit.
