Presidenti Bajram Begaj është duke marrë pjesë në Forumin e Nivelit të Lartë Politik për Zhvillimin e Qëndrueshëm, i njohur si Samiti për Objektivat e Zhvillimit të Qëndrueshëm, ku janë të pranishëm kryetarët e shteteve/qeverive të vendeve anëtare të Organizatës së Kombeve të Bashkuara.
Në emër të Shqipërisë, Begaj tha se zhvillimi i qëndrueshëm është garancia më e fortë për një votë të karakterizuar nga paqja dhe Stabiliteti. Kreu i shtetit theksoi se vendi ynë shtë në një rrugë zhvillimi të përshpejtuar, duke pëqafuar një qasje gjithëpërfshirëse dhe transformuese.
“Dëshiroj të theksoj se Shqipëria është në një rrugë zhvillimi të përshpejtuar, duke përqafuar një qasje gjithëpërfshirëse dhe transformuese që përfshin zhvillimin ekonomik, social dhe mjedisor. Zbatimi i agjendës së OZHQ-ve nuk është vetëm një prioritet; është një përpjekje kombëtare kolektive ku janë angazhuar të gjitha institucionet shtetërore, përfshirë shoqërinë civile,” tha Begaj.
Gjithashtu ai u ndal edhe te hapat e ndërmarra nga vendi ynë lidhur me zbatinin e OZHQ-ve, ku veçoi miratimin nga Kuvendi i Shqipërisë të rezolutës që përvijon angazhimet për të promovuar, financuar dhe monitoruar realizimin e OZHQ-ve, si pjesë e rrugëtimit të vendit tonë drejt integrimit në BE, krijimin e Fondit të Përshpejtimit të OZHQ-ve, të financuar kryesisht nga qeveria, por edhe nga nga aktorë e partnerë joqeveritarë.
“Zhvillimi i qëndrueshëm është garancia jonë më e fortë për një botë të karakterizuar nga paqja dhe stabiliteti. Zbatimi i Objektivave për Zhvillim të Qëndrueshëm nuk është vetëm një prioritet; është një përpjekje e përbashkët që përfshin institucionet shtetërore dhe shoqërinë civile.
Këto objektiva janë një hartë universale, që udhëheq vizionin tonë për të ardhmen”, tha Begaj.
