Departamenti i Administratës Publike ka kthyer në detyrë Sekretaren e Përgjithshme të Ministrisë së Drejtësisë, Juliana Hoxhaj, një ditë pas pezullimit nga ana e ministrit teknik, Gazmend Bardhi.
Nga raportimet i medieve vendase bëhet me dije se urdhri i pezullimit është tejkalim i kompetencave i ministrit të Drejtësisë.
Gjithashtu, mësohet se Drejtoresha e DAP, Albana Koçiu, është shprehur se “veprimtaria e Sekretarit është konform ligjit”,
Sekretarja e Përgjithshme e Ministrisë së Drejtësisë, Juliana Hoxhaj, ka arritur kështu të fitojë betejën ndaj ministrit teknik të PD-së i cili më shumë se njëherë ka kërkuar pezullimin e saj nga detyra.
Juliana Hoxhaj kandidon edhe për deputete në zgjedhjet e 25 qershorit si përfaqësuese e listës së Partisë Socialiste në Qarkun e Tiranës. Ky ka qenë një tjetër argument i përdorur nga ministri teknik i PD për pezullimin e saj nga detyra.
