Dy kandidatët kryesorë në garën për kreun e federatës shqiptare të futbollit Armand Duka dhe Bashkim Fino janë në një përballje platformash dhe idesh në Top Channel, në emisionin “Të Paekspozuarit” të gazetarit Ylli Rakipi.
Fino ka hedhur një akuzë të rëndë, në drejtim të kandidatit tjetër, se procesi i votimit po manipulohet, sepse do të votojnë ekipe të cilat nuk ekzistojnë.
“Lista e delegatëve që do të vijnë në datën 7 është mashtruese. Një e treta e listës, janë mashtruese, sepse ka ekipe të cilat nuk ekzistojnë, nuk kanë aktivitet. Ka ekipe të cilat janë në aktivitet por nuk vijnë. Ka dhe ekipe që pse kanë sjellë dokumentacionin me vonesë nuk do lejohet të votojnë. Pojani nuk ka ekip. E ka Bashkia Maliq. Do të vijë një person të votojë për një ekip që nuk ka aktivitet.”
Shoqata Memaliaj, një shofer i Bashkisë firmos për të zgjedhur delegatin, pasi Duka zgjodhi të marrë një kandidat që kishte vëllain e tij si kandidat në zgjedhje tek Partia e tij.
Velipoja me delegat nga Shijaku, më vjen keq për sportdashësit Velipojës të përfundojnë në këtë pikë.
Olimpiku përfaqësohet Leonard Kadiu, por delegat do të jetë Aristotel Papajani nga Laci si mund të shpjegohet kjo.
Je duke zgjedhur se kush do të fitoj kampionatin, është bërë një garë e pandershme. Unë nuk jam futur në këtë lojë për të mbështetur Partizanin, më ka propozuar Flamurtari dhe Lushnja. Ju keni kaq vite që mbështesni Skënderbeun pasi jeni aksioneri kryesorë aty, kjo nuk është e drejtë. Arbitrt janë bërë si kamikazët tuaj. Të mos flasim për dënimet që jepni, ku në ndikimin tënd vendimet jepen për dikë si të nënës e tjetrin të njerkës. E keni kthyer FSHF-n si në pronën tuaj dhe kjo është një turp.
Duka e fillon garën me 18 vota para, por unë do ta mposht, nuk do të jetë problem fare.
