Reali i Madridit është finalistja e dytë e “Uefa Champions League”, duke eleminuar në gjysmëfinale skuadrën e Atletiko Madridt.
Madrilenët i bashkohen në finalen e madhe të “Cardiffit”, Juventusit që u kualifikuan mbrëmjen e djeshme pas fitores me Monakon.
Skuadra e drejtuar nga Zinedin Zidane, humbi në përballjen e sotme ndaj Atletikos me shifrat 2-1, por triumfi në ndeshjen e parë me rezultatin 3-0 i dha kualifikimin “Los Blancos”.
Vendasit arritën që të nisnin në mënyrë përfekte sfidën duke shënuar dy gola mjaft të shpejtë me anë të Saul dhe Greizmann që ndezën shpresën e kualifikimit.
Por, Isco në fundin e pjesës së parë shënoi për Realin duke i shuar shpresat skuadrës së Diego Simeones për tu kualifikuar.
Tashmë finalja e madhe e këtij edicioni do të jetë Juventus-Real Madrid, që do të zhvillohet më datë 3-qershor në “Cardiff”.
