Filmi “Një Muaj” është pranuar në garën e filmave të shkurtër International Cinema of Tomorroë Competition në festivalin e kategorisë ‘A’ ku do të garojë për çmimin “Filmi më i mirë i shkurtër” dhe për çmimin special të jurisë.
Filmi me skenar dhe regji nga Zgjim Terziqi dhe producent Agon Syla bazohet në një ngjarje të vërtetë dhe flet për Anën, një 40-vjeçare e verbër dhe e pamartuar, e cila jeton sipas një marrëveshjeje sëkatër motrave të saj. Pakti i tyre përmban përkujdesjen e saj, secila me radhë nga një muaj.
Në filmin e shkurtër luajnë aktorët Makfire Miftari, Luan Jaha, May-Linda Kosumovic, Shengyl Ismajli, Irena Cahani, Fatmir Spahiu, Rinesa Qeriqi, Era Balaj, Dardane Mehmeti, Zog Zeqiri Berisha, Blerina Krasniqi, Nata Zeqiri Berisha, Lis Spahiu.
Cairo International Film Festival është themeluar në vitin 1976 dhe njihet si festivali më i vjetër në Arabi, Afrikë dhe Lindjen e Mesme. Po ashtu, ai bën pjesë në mesin e 15 festivaleve garuese të kategorisë A, sipas Federatës Ndërkombëtare të Shoqatave të Producentëve të Filmit (FIAFP). Edicioni i këtij viti fillon me 21 deri 30 nëntor 2017.
