“Memory” është filmi me metrazh të shkurtër, i cili do të shfaqet si premierë botërore në edicionin e 65-të të “Columbus Film & Video Festival”, në Ohio më 20 prill.
Ky i fundit është festivali më i vjetër në USA, ndërsa mësohet se filmi do të shfaqet brenda javës edhe në dy festivale të tjera: në edicionin e 50-të të “Humboldt Film Festival” në Kaliforni dhe në edicionin e 17-të të “Festival Internacional de Cine de Lanzarote” në Spanjë.
Me skenar e regji të Ilirjan Himajt, mësohet se në filmin “Memory”, marrin pjesë aktorët: Xhevat Qorraj, Bibi Qena, Selman Lokaj, Avdullah Gjikokaj, Besim Ajeti, Agron Krasniqi, Labinot Lajçi, Agron Shala; ndërsa, producentë të filmit janë Agron Shala dhe Latif Hasolli.
