Filarmonia e Kosovës hap sonte sezonin me koncertin që do të mbahet në Sallën e Kuqe të Pallatit të Rinisë dhe Sportit në Prishtinë.
Dirigjenti Boian Videnoff kthehet në Prishtinë për herë të katër, ndërsa shoqërohet edhe nga pianistja Maria Meerovitch dhe trumbetisti më në zë i kohës, virtuozi Sergei Nakariakov.
Koncerti nis sonte në orën 20:00, ndërsa në program do të interpretohen vepra nga Haydn, Tchaikovsky dhe Brahms.
