Të dielën u zhvillua gara e Formula 1 për Çmimin e Madh të Gjermanisë, ku mes shiut dhe aksidenteve Luis Hamilton ka rikuperuar 13 pozicione dhe është shpallur kampion. Por në një moment ai ka shkelur rregullat e pistës, pasi ka bërë një manovër të gabuar në hyrje të pitstopit.
Në atë moment në pistë ishte makina e sigurisë dhe Raikkonen niset për në bokse njëkohësisht me anglezin, në momentin e fundit ndërhyjnë drejtuesit e Mercedes dhe i komunikojnë Hamiltonit se nuk duhet të futej dhe ashtu ndodhi, por kaloi mbi 1 metër në vijën e bokseve.
Federata Ndërkombëtare e Automobilave (FIA) ka marrë vendimin dhe Hamilton nuk do të dënohet në lidhje me manovrën e gabuar që bëri në garën për “Çmimin e madh të Gjermanisë”.
Ky vendim ka ngjallur debate të shumta pasi në vitin 2016 Kimi Raikonen ka marrë një penalizim pre 5 sekondash vetëm sepse kishte kaluar vijën e bokseve me 1 metër. Duket se rregullat nuk janë të njëjta dhe për pilotin e Mercedezit, Luis Hamilton. Por për këtë emisarët e pistës janë justifikuar duke thënë se në pistën e Baku ku Raikkonen bëri gabimin ka rregulla të tjera nga ato që janë në Gjermani.
