Federata Shqiptare e Volejbollit ka reaguar lidhur me akuzat e Federbet-it, duke mohuar manipulimet në rezultatin e ndeshjeve të Kombëtares Shqiptare të meshkujve me Azerbajxhanin dhe Suedinë për Ligën e Evropës.
Drejtuesit e FSHV-së mohuan përfshirjen në trukime përmes një komunikate për shtyp, ku theksohet se të gjithë në kombëtare u impenjuan në maksimum, me synim realizimin e ëndrrës për të qenë në finalet e Ligës së Europës dhe se askush nuk e mendoi manipulimin e rezultateve.
Gjithashtu, FSHV shtoi se nuk e dinte që ndeshjet e kombëtares ishin të kuotuara në baste, duke kërkuar më pas që të mos hidhen akuza të pabaza ndaj saj dhe përfaqësueses.
“Federata Shqiptare e Volejbollit është e hapur ndaj çdo hetimi nga Federbet-i apo çdo lloj institucioni tjetër hetimor shqiptar apo ndërkombëtar dhe është gati të japë ndihmën e saj për të sqaruar këtë histori”, mbyllet komunikata e FSHV-së.
