Juristi Agron Gurabardhi ka komentuatr zhvillimet e fundit mbi rekursin në Gjykatën e Lartë për simbolet e PD. Juristi sqaron çështjen nga pikëpamja ligjore, duke sugjeruar se tërheqja e Alibeajt nuk ndalon betejën për Partinë Demokratike në Gjykatën e Lartë, pasi sipas tij fati i rekursit është në duart e Lulzim Bashës.
Postimi i Gurabardhit:
Tërheqja e Alibeajt nga rekursi nuk ndalon betejën për PD. Fati i çështjes, në duart e Bashës!
Ditën e sotme Rezart Kthupi ka depozituar në Gjykatën e Lartë kërkesën për heqjen dorë nga rekursi ndaj vendimit të Gjykatës së Apelit të datës 11 qershor 2024, me të cilin u vendos në favor të vendimit të gjyqtarit Zhukri.
A mund të tërhiqet subjekti politik i krijuar nga Alibeaj nga rekursi në Gjykatën e Lartë?
Po ai mund të tërhiqet.
E drejta për të tërhequr rekursin, sipas nenit 490 të Kodit të Procedurës Civile, ankuesi ka të drejtë të tërhiqet nga rekursi në çdo fazë të shqyrtimit deri në dhënien e vendimit nga Gjykata e Lartë.
Heqja dorë nga rekursi duhet të bëhet me një deklaratë të qartë dhe të pakushtëzuar nga personi apo subjekti që ka paraqitur rekursin.
A mund të vazhdojë Gjykata e Lartë shqyrtimin edhe pa rekursin e Alibeajt?
Po, nëse ka palë të tjera që e kundërshtojnë tërheqjen ose që kanë paraqitur rekurs të veçantë.
Nëse procesi prek interesa më të gjera, Gjykata e Lartë mund të vendosë të shqyrtojë çështjen edhe pa kërkesën e Alibeajt.
Nëse Lulzim Basha vazhdon të kërkojë drejtimin e Partisë Demokratike dhe nuk është tërhequr nga procesi gjyqësor, atëherë rekursi në Gjykatën e Lartë nuk mund të tërhiqet vetëm nga Alibeaj dhe grupi i tij, për sa kohë ka palë të tjera që kanë ende interes juridik aktiv në këtë çështje.
Çfarë ndodh në këtë rast?
Gjykata e Lartë duhet të shqyrtojë nëse ka ende një palë me interes ligjor
Nëse Basha ose dikush tjetër që ka legjitimitet përfaqësimi në PD vijon procesin, tërheqja e grupit të Alibeajt nuk e ndalon shqyrtimin e rekursit.
Gjykata do të shohë nëse PD si subjekt juridik ka ende një interes aktiv në këtë çështje.
Nëse Basha ka ende interes për të vijuar rekursin, procesi nuk pushohet, edhe pse Alibeaj dhe grupi i tij tërhiqen, kjo nuk ka efekt për Bashën, nëse ai nuk ka bërë të njëjtën kërkesë për tërheqje.
Në këtë rast, Gjykata e Lartë mund të vazhdojë shqyrtimin e çështjes mbi bazën e kërkesës së mbetur.
Nëse të gjitha palët tërhiqen, Gjykata mund ta pushojë çështjen.
Vetëm nëse asnjë nga palët nuk insiston më në shqyrtimin e rekursit, atëherë Gjykata e Lartë do ta pushojë procesin për mungesë të interesit juridik.
Pra, nëse Basha ka ende një kërkesë aktive, procesi vazhdon dhe rekursi shqyrtohet nga Gjykata e Lartë.
Nëse vetëm grupi i Alibeajt tërhiqet, kjo nuk ndikon në proces për sa kohë ka palë të tjera me interes ligjor.
Gjykata do të vendosë bazuar në legjitimitetin e palëve dhe interesin juridik në vijim të çështjes.
