Një grup njerëzish, të cilët kishin shkuar për të parë festivalin e muzikës “Coachella”, kanë rënë pre e grabidjes së një burri, i cili grabiti atë natë, plot 100 telefona. I arrestuari është Reinaldo De Jesus Henao, nga New York.
“Gjatë festivalit disa njerëz kuptuan se nuk i kishin telefonat e tyre dhe aktivizuan programin ‘Find my phone’, i cili është i vendosur në celularin e tyre” – ka deklauar Departamenti i Policisë në Indo.
“Find my phone” është një program tek Iphone, i cili i lejon përdoruesit të gjurmojnë telefonin e tyre, nëse humbet apo vidhet.
Disa nga personat, që kishin aktivizuar programin, ndoqën informacionin, i cili i drejtoi drejt Henao.
36-vjeçari u arrestua nga rojet e sigurimit të koncertit, të cilët e mbajtën atë deri sa erdhi policia. Pasi kontrolluan çantën e Henao, aty gjetën mbi 100 telefona celularë. 20 celularë u janë kthyer pronarëve të tyre, ndërsa të tjerët janë dorëzuar në “Lost And Found” dhe do t’u dorëzohen personave përkatës, sapo ata të bëjnë deklarimin.
