Kolumbia ka shpërthyer në akuza ndaj arbitrit amerikan pas eliminimit nga Kupa e Botës. Ishte Anglia që doli e fituar pas ekzekutimit të penalltive . ishte kapiteni, Radamel Falcao ai që ngriti zërin ndaj arbitrit, Mark Geiger, duke e akuzuar si të njëanshëm në gjykimin gatë ndeshjes.
Arbitri amerikan u rrethua nga kolumbianët dhe pati shumë kontestime kur akordoi penalltinë në pjesën e dytë për një ndërhyrje të gabuar në dëm të Harry Kane në zonë. Ish-sulmuesi i Chelseat dhe Manchester United këmbëngul se kombëtarja kolumbiane u eliminua për faj të gjykimit të dobët.
“E shoh të paarsyeshme që këtë ndeshje ta gjykojë një amerikan. T’ju thënë të vërtetën, kam shumë dyshime mbi gjykimin. Ai foli vetëm anglisht, kishte shumë paragjykime.
Me anë të gabimeve ai po na largonte nga sistemi i lojës tonë dhe kjo ishte shumë e qartë. Ai na bezdisi shumë gjatë ndeshjes dhe gjithmonë e ndalte lojën në favor të Anglisë.
Ai nuk veproi me të njëjtat kritere për të dyja skuadrat. Kur kishte dyshime, gjithmonë mbante anën e Anglisë. Është e turpshme që kjo të ndodhë në raundin e 16 të Kupës së Botës”, tha kolumbiani.
