Eurodeputetja dhe Raportuesja për liberalizimin e vizave për Kosovën, Tanja Fajon, gjatë një intervistë të dhënë për gazetën serbe ‘Blic’, ka folur për dialogun me Serbinë dhe çështjen e shkëmbimit të territoreve.
Fajon ka thënë se ndryshimi i kufijve në të kaluarën, ka shkaktuar konflikte e luftra. Ndaj, kjo nuk është mënyra se si duhet të shkojnë gjërat. “Dialogu duhet të funksionojë sa më shpejtë, dhe synon të përmirësojë jetën e qytetarëve në të dy anët. Por ky është një proces delikat.
Ka gjithashtu bisedime delikate për shkëmbimin e territorit. Është e rëndësishme që ne të mos bëjmë një problem të ri në rajon, një paqëndrueshmëri të re.
Për fat të keq, e kaluara na ka mësuar që nëse ndryshojmë kufijtë, shpesh kemi konflikte, luftra. Kjo nuk është mënyra se si duam të shkojnë gjërat”, deklaroi Fajon.
