Rikthehet Uefa Europa League me sfidat e saj. Besiktas – Lyon, Genk – Celta Vigo, Manchester United – Anderlecht dhe Schalke 04 – Ajax, janë sfidat e natës së sotme, të cilat zhvillohen në orarin zyrtar të Uefa Europa Ligue, 21:05.
Lyon udhëton për në Turqi për të eliminuar Besiktas, pas fitores në ndeshjen e parë në Francë me rezultatin 1-2.
Spanjollët e Celta Vigos vizitojnë Genkun, në një ndeshje të hapur plotësisht, pasi Celta Vigo fitoi 3-2, sfidën e parë në Spanjë.
Ekipi i Jose Murinhos është gati për të kaluar në fazën tjetër, pasi pret Anderlechtin në “Old Traford”. Manchester United barazoi 1-1 në fushën e Anderlechtit, rezultat që e favorizon në mbrëmjen e sotme.
Dhe sfida e fundit e kësaj faze është Shalke 04 – Ajax. Hollandezët udhëtojnë për në Gjermani për të mbrojtur rezultatin 2-0 të ndeshjes së parë.
Sonte nga rezultatet e ndeshjeve do të zbulohen 4 ekipet gjysmë-finaliste, të cilat do të presin shortin e ditës së nesërme për të mësuar rivalët e rinj.
