Vetëm një fitore do t’i bënte punë të dy ekipeve. Kroacia në ndeshjen e saj të fundit përfundoi në barazimin 1-1 kundër Republikës Çeke, por mbetet e treta, pak përpara Skocisë në diferencë golash. Ng ana tjetër skocezët hyjnë në lojë me moralin e ngritur pasi lanë përshtypje të mira në barazimin me Anglinë. A do të jenë në gjendje blutë ta vënë atë barazim në shërbim të ndeshjes së rradhës kur të kthehen në Glasgou për t’u përballur me kundërshtarët ballkanas kundër të cilëve janë të pamposhtur në pesë ndeshje, nga të cilat tre fitore? Fitorja do t’i jepte fund ritualit të mos kalimi kurrë përtej fazës së grupeve në finalet e një turneu madhor.
Kroacia duket nën nivelin e zakonshëm, por ka një shans të fundit për të katapultuar veten dhe për të arritur qëllimin kryesor: fazën me eleminim direkt. Nga sa është parë deri më tani, do të jetë jashtëzakonisht e vështirë. Ata nuk e kanë mposhtur kurrë Skocinë. Zlatko Dalić do të bëjë disa ndryshime, ndoshta duke vendosur mesfushorin e ri të Dinamo Zagrebit, Luka Ivanušec-in në të djathtë.
Pas emocioneve në Uembli, skocezët do të duhet të sjellin të njëjtin intensitet në këtë ndeshje në Hampden dhe të bëjnë atë që nuk kanë arritur në dy ndeshjet e para: golin.
Formacionet e mundshme:
Kroacia: Livaković; Vrsaljko, Lovren, Vida, Gvardiol; Modrić, Brozović, Kovačić; Ivanušec, Perišić; Petković
Skocia: Marshall; Hendry, Hanley, Tierney; O’Donnell, McTominay, McGregor, McGinn, Robertson; Dykes, Adams
