Kjo padyshim që do të jetë një ndeshje shumë e veçantë për lojtarët, trajnerin, stafin, të gjithë ata që ishin atje të shtunën dhe të gjithë ata që panë se çfarë ndodhi me Eriksenin. Danimarka do të bëjë gjithçka që mundet për të arritur një rezultat ndaj një ekipi që është ndër favoritët në këtë europian. Nuk është ende e qartë se kush do të jetë në dispozicion, por pritet që danezët të japin gjithçka, cilido që të luajë, dhe me 25,000 tifozë që priten në Parken, atmosfera do të jetë emocionuese dhe në favor të danezëve.
Reporterja belge për Euro 2020 shprehet: Kjo do të jetë një ndeshje emocionuese. Belgjika është plot respekt për Danimarkën dhe ato që ka kaluar ekipi nordik këto ditë. Djajtë e Kuq janë të bindur se do të kualifikohen në raundin tjetër nëse fitojnë dhe do të japin gjithçka për të marrë rezultatin e duhur.
Mbrojtësi i Belgjikës, Tob Alderveireld: “Nuk e di se si do të reagojë Danimarka në fushë, por ne duhet të shohim vetëm veten dhe të përgatitemi për këtë ndeshje në mënyrë profesionale. Ne do të përpiqemi ta fitojmë ndeshjen. Kjo është gjithçka që mund të bëjmë. Padyshim që ka shumë simpati (Eriksen) nga e gjithë bota. Ata do të kenë respektin tonë për këtë, por Belgjika do të përpiqet ta fitojë këtë ndeshje. ”
Formacionet e mundshme:
Danimarka: Schmeichel; Mæhle, Kjær, Christensen, Wass; Damsgaard, Højbjerg, Delaney; Poulsen, Wind, Braithwaite
Belgjika: Courtois; Alderweireld, Denayer, Vermaelen; Meunier, Tielemans, Dendoncker, Hazard; Mertens, Lukaku, Carrasco
TIRANA TODAY
