Anglia përballet me Republikën Çeke në Grupin D ‘UEFA EURO 2020’ në Londër në orën 21:00.
Të dy ekipet kanë fituar një ndeshje dhe barazuar tjetrën deri më tani, gjë që e kthen këtë ndeshje në vendimtare për të përcaktuar vendin e parë. Të udhëhequr nga një nga golashënuesit e europianit me tre gola, Patrik Schick, çekët kanë një avantazh të lehtë pasi u bën punë edhe barazimi për të përfunduar si fitues të grupit për shkak të diferencës më të mirë të golave.
Një barazim do të mjaftonte edhe për Anglinë që të kualifikohet në fazën e 1/8-ave, por pasi u bllokua pa gola nga Skocia në ndeshjen e dytë, ‘Tre Luanët’ po presin me padurim shpërthimin pasi kanë shënuar vetëm një gol në 180 minutat e para.
Patrik Shik: “Kemi katër pikë, kështu që ky është një pozicion i mirë për ne. E dimë që Anglia ka lojtarë me cilësi të lartë dhe të niveleve të larta. Por në ndeshjet e para ata nuk krijuan shumë shanse – ndoshta luftojnë pak në sulm – por si ekip është gjithmonë e vështirë të përballesh me ta. Pra, ne duhet të përgatitemi sa më mirë dhe padyshim që duam të fitojmë, të marrim tre pikë dhe të sigurojmë kualifikimin nga ky grup”.
Trajneri i Anglisë, Sauthgejt: “E dimë cilësinë që kanë. Disa nga lojtarët e tyre kanë ardhur në Premier League dhe kanë qenë të shkëlqyer këtë sezon. Për shkak të historisë sonë së fundi me Kroacinë dhe faktit që të gjithë u përqendruan tek derbi me Skocinë, mendoj se shumë tifozë e kanë lënë ndeshjen me Çekinë mënjanë por ne si ekip sigurisht që nuk e kemi neglizhuar “.
Formacionet e mundshme:
Rep. Çeke: Vaclík; Coufal, Čelůstka, Kalas, Bořil; Souček, Holeš; Masopust, Darida, Jankto; Schick
Anglia: Pickford; Trippier, Stones, Maguire, Shaw; Phillips, Rice, Bellingham; Grealish, Kane, Sterling
