Pjesëmarrës të shumtë nga vende të ndryshme pritet të mblidhen në edicionin e shtatë të Etno Fest “Tradita vazhdon”.
Ky manifestimin ndërkombëtar kulturoro-sportiv në mundje tradicionale organizohet nga Shoqata qytetare për arsim, kulturë, sport dhe ekologji “AKSI”, dhe nis më 17 shtator në Qendrën rekreative – sportive në Studeniçan.
Në këtë manifestim, pritet të marrin pjesë mbi dyqind mundës nga Kosova, Shqipëria, Bullgaria, Greqia, Turqia dhe Maqedonia, të cilët do të ndahen në pesë kategori.
Meqenëse manifestimi ka edhe karakter kulturor, AKV Emin Duraku, SH.K.A Yeni Yol dhe SH.K.A Kitka do të prezantohen me valle të ndryshme.
