Kryebashkiakja e sapo zgjedhur në Durrës, Valbona Sako, është tallur rëndë me kreun e Shtetit, Ilir Meta. Në një postim në Facebook, Sako ka ripostuar një fotomontazh ku Ilir Meta është bërë si gjel dhe po piqet.
Edhe pse është zgjedhur për të administruar qytetin bregdetar, duket se Valbona Sako pretendon që të marrë pjesë dhe në politikën kombëtare, duke bërë një replikë me Presidentin.
Më herët, Meta sulmoi ndërkombëtarët, për të cilët tha se po tallen me Kushtetutën. Sipas Metës, ndërkombëtarët shohin vetëm gabimet e opozitës, dhe jo të qeverisë.
“Lexojeni si të doni. Shqiptarët nuk pranojnë askënd që të instalojë tirani të vetën personale, dhe askënd tjetër të imponojë tirani personale për çdo lloj interesi Shqipëria është anëtar i NATO-s, dhe do të jetë një vend anëtar i BE-së. Kjo rrugë funksionon vetëm me zgjedhje të lira. Jo me lobime”, tha Meta.
