Kreu i PAA-së, Agron Duka, ishte i pari që la mbledhjen e aleatëve të thirrur nga Lulzim Basha dhe pas pak minutash është parë të hyjë në Kryesinë e Kuvendit për të marrë pjesë në mbledhjen e thirrur nga kreu i Kuvendit Ilir Meta.
Nuk dihet ende nëse Duka është i dërguari i Bashës për të negociuar me Metën.
Sipas mediave në vend, thuhet se Duka ka qëndruar mbi 20 minuta te Kryesia e Kuvendit, por nuk është bërë me dije asgjë nga ky takim.
Lëvizja e Metës për të thirrur një tryezë ndërpartiake, vjen një ditë pasi dy negociatorët e BE-së, Knut Fleckenstein dhe David McAllister dështuan në Tiranë për gjetjen e një konsensusi me palëve.
Kjo lëvizje e Metës, vjen fill pas takimit që ai pati sot me trojkën e ambasadorëve të akredituar në Tiranë, si edhe pas bashkëbisedimit, që po sot zhvilloi me kryeministrin, Edi Rama.
