Eros Grezda jep lajmin e keq për të gjithë tifozët

Eros Grezda ka zhvilluar një sezon fantastik këtë vit tek ekipi i Osijek, ai ka qenë një titullarë i padiskutueshëm dhe me golat e tij ka rezultuar deçiziv në disa ndeshje. Por duket se fati nuk ka qenë me sulmuesin e kombëtares shqiptare, i cili është i përndjekur nga dëmtimet dhe e ka mbyllur sezonin tashmë. Kjo vë në pikëpyetje edhe grumbullimin në kombëtare, në ndeshjet miqësore që do të zhvillohen në Turqi, pasi Grezda është kthyer në pikë kyçe në formacionin e Panuccit.“Kisha probleme fizike para sfidës me Norvegjisë por nuk i ndjeva gjatë ndeshjes. Pas përfundimit të takimit kisha probleme të mëdha dhe ndodhi ajo që kisha frikë, mungova për një kohë të gjatë.” -këto ishin fjalët e Eros Grezda-s pak ditë më parë në një intervistë për mediat. “Kisha probleme me ligamentet në kavilje dhe rikuperimi shkoi 40 ditë. Isha në formë të mirë por kam humbur pak fuqitë. Do vazhdoj të luaj nga pak minuta deri sa të arrij formën që kisha para dëmtimit.” – shtoi futbollisti i kombëtares shqiptare.Por duket se fati nuk është me Eros Grezdën pasi dëmtimet e ndjekin atë. 22-vjeçari së fundmi ka publikuar një foto në rrjetet sociale ku njofton se sezoni ka përfunduar për të me ekipin e Osijek 1 javë para përfundimit të kampionatit. Futbollisti shqiptar ishte titullar pas shumë kohësh në sfidën që ekipi kroat luajti dje kundër Hajduk në transfertë, por në minutën e 65 ai u largua nga ndeshja. “Sezoni ka përfunduar për mua. Një vit shumë i madh dhe me sfida shumë të bukura,”– shkruan Grezda në një postim në ‘isnta story’.